Maxay ka dhigan tahay inaad horumariso naftaadu?
Dadka qaarkood, fikradda hagaajinta nafta ayaa dhiirigelinaysa. Kuwa kale, waxay u noqon kartaa wax aad u faa'iido badan in looga fikiro korniin ahaan. Kobaca uu qofku samaynayaa waa mid togan oo had iyo jeer maaha xariiq toosan.
Hagaajinta naftaadu waa safar aad u gaar ah, waxyaabaha gaarka ahina way iska beddeli karaan dadka dhexdooda; oo aragti qof u shaqaysay ayaa laga yaabaa in aaanay adiga kuu shaqayn.
Isbeddelku maaha mid raaxo leh.
Kobacuna wuxuu u baahan yahay in aad ka gudubto waxa aad taqaano. Laakin tilaabo kasta oo aad qaado waa qayb ka mid ah nidaamka aad ku noqonayso nooca ugu fiican ee naftaada.
Isbeddelka habdhaqanku wuxuu noqon karaa geeddi-socod dheer,
laakiin maaha inay noqoto mid murugo leh. Buugga, Atomic Habits, ee uu qoray James Clear wuxuu ka hadlayaa awoodda hagaajinta, boqolkiiba hal 1% maalin kasta. Hagaajinta naftaadu waxay noqon kartaa isbedelo isdaba joog ah oo yar yar. Ama waxay noqon kartaa hannaan ka qaybqaadan kara, sida ka adkaanta cabsida; ka baqashada guul-darrda ikk.
Si kastaba ha ahaatee,
wanaajinta naftaada macnaheedu maaha inaad beddesho xudunta qofka aad tahay. Tusaale ahaan, haddii aad tahay qof dadka aad u dhex-gala, waa inaadan ujeedin inaad noqoto qof qallafsan.
Muhiimada ay leedahay wanaajinta naftaada maalin kasta
Waxaa jira dhowr sababood oo aad ku sii wanaajin karto naftaada maalin kasta.
Mar kasta oo aad horumar ka samayso hal dhinac oo noloshaada ah, waxa aad dareemi kartaa in badan oo aad ku qanacday marka aad bilowdo xaqiijinta yoolalkaaga. Wanaajinta naftaada waxay kaa caawin kartaa dhinac kasta oo nolosha ah. Tusaale ahaan, inaad ku wanaajiso naftaada shaqadu waxay kaa caawin kartaa inaad horumariso waxqabadkaaga shaqada, inaad macno badan u hesho shaqadaada iyo xitaa inaad kor u qaaddo booskaaga shaqo.
Wanaajinta naftaadu waxay sidoo kale kaa caawin kartaa inaad hagaajiso xidhiidhkaaga shakhsi ahaaneed,
wanaajiso awoodda aad u leedahay inaad xuduud u sameyso, oo aad xidhiidh dhow la sameyso kuwa aad jeceshahay. Ku-dhaqanka si aad u horumariso naftaadu waa nooc ka mid ah is-daryeelka, oo haddii aad si fiican u ilaaliso naftaada, waxaad u badan tahay inaad wax badan tartan dadka kale, “tiisaba daryeelaa tu kale ku dara”.
Talooyinkan soo socda oo aad dhaqan gelisaa waxay kaa caawinayaan in aad naftaada horumariso, waxaana kamida:
Samee wakhti aad ku nasato
Kahor intaadan baran sida loo fiicnaado, waxaa muhiim ah inaad ka bilowdo aasaaska. Waxaad u baahan tahay in baahiyahaaga aasaasiga ah la buuxiyo ka hor intaadan u gudbin is-horumarinta. Qayb taas ka mid ah waa in la sameeyo wakhti nasasho iyo is-daryeelid.
Waxaa jira noocyo badan oo kala duwan oo nasasho ah.
Ma jiraan waqtiyo ku jira jadwalkaaga oo aad fursad u leedahay inaadan waxba qaban oo aad nasato? Waqtiyadaas xasilloon ee nasashada waxay kaa caawin karaan inaad hoos u dhigto oo aad ka shaqeyso wixii dhacay maalintaada.
Taasi waa sababta waqti u helista nasashada ay u samayn karto isbadal wanaagsan. Intaa waxaa dheer, marka aad si fiican u nasato, waxaad heli doontaa fursad aad kaga shaqayso, siyaabo kale oo aad naftaada u wanaajin karto.
Akhri buugaag badan
Waxaa jira buugaag ku saabsan wax walba. Markaa, akhrinta buugaag badan ayaa kaa caawin kara inaad sahamiso danahaaga. Xitaa waxaad ku baran kartaa xirfad cusub akhrinta buugta.
Buugaagta qaar ayaa si gaar ah loo qoray si ay kaaga caawiyaan inaad bilowdo ka shaqaynta horumarinta nafta iyo korriinka shakhsi ahaaneed.
Waxaad sidoo kale akhrin kartaa si aad u horumariso xirfadahaaga hoggaamineed. Xitaa in aad si qoto dheer ugu dhex milmatid sheeko-male-awaal waxay kuu samayn kartaa yaabab badan. Qodobka muhiimka ah ayaa ah: in wax kasta oo hami ah oo aad leedahay (ama aad u xiiso qabto), aad siiso waqti aad ku akhrido iyaga.
Intaa waxaa dheer,
waxaad horumarin kartaa yoolalka wanaajinta nafta adiga iyo dadka aad kugu hareeraysan.
Ugu dambeyntii, barashada sida loo horumariyo naftaadu waa karti qiimo leh oo aad ku yeelan karto adduun ay tahay inaad si joogto ah ula qabsato. Ogaanshaha inaad leedahay awood isbedel waxay kaa dhigi kartaa inaad ku kalsoonaato mustaqbalka oo aad ka yaraato cabsida raaxo la'aanta.
Bilow mahadnaqa
Mid ka mid ah dariiqo aad ku baran karto sida aad u noqon lahayd qof wanaagsan ayaa ah in aad ka mahadceliso waxa aad haysato.
Ku celcelinta mahadnaqu wuxuu kaa caawin karaa inaad iska ilaaliso inaad ka xumaato waxa aadan haysan.
Keliya maaha inaad ka mahadceliso waxyaabo waaweyn, sidoo kale, isku day inaad u fiirsato waxyaalaha yaryar ee ku farxad geliya oo ku dareensiiya mahadnaq.
Baro luqad cusub
Ku dhiiranaw inaad barato luqad cusub. Barashada sida loogu hadlo luqad kale waxay kaa caawineysaa inaad si ka duwan u fikirto oo aad iftiin cusub u aragto waxyaabaha kugu xeeran.
Waxaad ku milmi doontaa dhaqan kale markaad barato sida luqad kale ugu shaqeyso si ka duwan luuqadaada (Somali). Intaa waxaa dheer, waxaad u safri kartaa meelaha ay dadku ku hadlaan luqadda aad baraneyso (haddii aad awooddo).
Barashada luqadda labaad waxay kaa caawin kartaa in ahaato qof u safray dhul aanu weli tagin. Waxay xitaa kaa caawin kartaa fursadahaaga shaqo.
Qaar ka mid ah luqadaha loo baahan yahay ee ay hadda aqoontu u sii guurayso waxaa ka mid ah: Ingriisiga, Carabiga, Isbaanishka, Shiinaha iyo Faransiiska.
Cibaadada
Ku dadaalka cibaadada Alle (swt), waxay kuu fuduynaysaa in aad Alle u dhawaato. Mar kasta oo aad ku dadaasho cibaadada waxaa kaa yaraanaya culayska waxaana kuu kordhaya fursadaha aad ku helayso nolol san oo sareedo le. Ilaalinta salaada iyo xuska Rabbi waxay kuu furayaan albaabada khayrka.
Noloshaadu waxay cidhiidhi ka maqan tahay keliya inta aad Alle ku xidhan tahay; maalinka aad ka jeedsato xuska Ilaahay ayay nolol adagi kuu bilaabmaysaa. Si aad u hesho farxad, nolol wacan, deganaansho iyo raali-ahaanshaha Rabbi ku dadaal sidii aad u joogtayn lahayd cibaadada Alle.
Qor fekradahaaga
Waxaad ku qori kartaa waxyaabaha aad ku wanaagsan tahay, fekradahaaga iyo sidoo kale waxyaabaha aad muhiim u aragto.
Waxa kale oo aad ku tababaran kartaa sida aad uga warqabto fikradahaaga.
Intaa waxaa dheer, cilmi-baadhiso ayaa waxay muujinayaan in qorista fekraduhu ay hagaajin karto fayoobaantaada oo ay yarayn karto murugada maskaxda.
Naftaada ku quudi cunto caafimaad leh
Way fududahay inaad ku noolaato noloshaada ugu fiican markaad dareento tamar iyo shidaal wanaagsan. Waxa aad cuntid waxay saameyn weyn ku leeyihiin sida aad dareemeyso iyo hawsha aad qaban karto.
Bilow ka fiirsashada waxa aad jidhkaaga gelinayso. Cun cuntooyin kala duwan oo midabyo kala duwan leh oo isugu jira dhammaan kooxaha cuntada.
Isku day inaad cunto cunto cusub mar kasta oo aad awooddo. Haddii aanad haysan wakhti aad ku kariso cunto caafimaad leh guriga, raadi waxyaabo kale oo ka duwan, tamar le sidoo kalena caafimaadkaaga kor u qaadaya.
Jimicsi samee
Iyadoo nafaqadu ay qayb weyn ka qaadato sida aad dareemayso, dhaqdhaqaaqa iyo jimicsiga ayaa sidoo kale door ku leh sidii aad u horumarin lahayd caafimaadkaaga jidheed iyo maskaxeed. Waxaa jira siyaabo kala duwan oo lagu bilaabi karo dhaqdhaqaaq dheeraad ah. Tusaale ahaan,
waxaad bilaabi kartaa jimicsi cusub oo xitaa, waxaad samaysan kartaa saaxiib kugu soo biira si aad waqti tayo leh ula qaadato.
Haddii aadan xiisayneynin inaad ciyaaaraha ka qayb gasho ama aad ku biirto jimicsiyada, waxaad weli heli kartaa siyaabo kale oo aad dhaqdhaqaaqa (jimicsi fudud) ugu dari karto noloshaada. Tusaale ahaan, waxaad bilaabi kartaa socodka maalinlaha ah.
Waxa kale oo aad ka bilaabi kartaa jimicsiga caadiga ah adiga oo ku sugan gurigaaga. Nidaamyo jimicsi oo badan oo bilaash ah ayaa laga heli karaa khadka, taas oo macnaheedu yahay in had iyo jeer ay jiraan wax kugu cusub oo aad sameyso haddii aad caajisto.
Ku celceli naxariista dadka kale
Naxariistu waa mid ka mid ah siyaabaha ugu fiican ee aad ku noqon karto qof wanaagsan.
Marka hore, waa bilaash. Uma baahnid dadaal badan si aad u naxariisato halkii aad ka ahaan lahayd mid aan nolosha dadka uu la nool yahay dan ka lahayn ama aan naxariis lahayn. Marka labaad, waxa ay kaa caawin kartaa in aad naftaada horumariso.
Mark saddexaad, waxay sidoo kale wanaajin kartaa nolosha dadka kale. Muujinta naxariistu waxay kaaga baahan tahay inaad ka warqabto dadka kugu xeeran. Markaad sidaa sameyso, waxaad ogaan doontaa wax badan oo dadku u baahan yihiin, xitaa marka aysan sheegan.
Ka shaqee si aad u wanaajiso cabsidaada guuldarrada
Cabsida guul-darradu waxay kaa joojin kartaa inaad tallaabooyin hore u qaado si aad himiladaada u gaadho oo aad uga shaqeyso horumarkaaga.
Si aad naftaada u wanaajiso, waxaa muhiim ah in aad hesho habab aad ku samayso waxyaalaha adag, xitaa marka cabsidu ay dib kuu celin karto.
Taasi waa sababta ay muhiim u tahay inaad ka shaqeyso cabsidaada guuldarada oo aad si fudud uga baxdo aaggaaga raaxada.
Si aad u wanaajiso habka aad uga guulaysan karto cabsida, waxaad ku bilaabi kartaa waxyaabo yaryar waxaadna ka shaqayn kartaa jidkaaga horumarinta cabsida. dadweynaha adigoo saxiixday si aad u bixiso siminaar shaqada.
Xusuusnow in guuldaradu ay tahay wax nolosha ku jira, taasina waa caadi. Iska ilaali rabitaanka inaad is tanaasudho markaad guuldarraysato.
Qabso guuldarada oo u arag inay tahay jaranjaro lagama maarmaan ah oo aad ku gaadhayso yoolalkaaga.
Ugu dambayn,
Mid ka mid ah siyaabaha ugu wanaagsan ee lagu kori karo laguna horumarin karo naftu waa in la helo taageero. Noloshu waa khibrado isku tagay, ku dadaal in aad ka faa’iidaysato dadka kugu hareeraysan. Ha niyad jabin mar kastana horumari furasad kasta oo aad naftaada ku korin karto.
