 |
| 𝐌𝐢𝐫𝐚𝐡𝐚 𝐅𝐞𝐧𝐧𝐞𝐥 𝐒𝐞𝐞𝐝𝐬 |
Fennel seeds waa miro muddo dheer bini aadamku u adeegsan jiray dawo ahaan. Waxaa la aaminsan yahay in mirahani ay ka hortag u yihiin cudurro badan, islamarkaana ay wanaajiyaan caafimaadka guud.
Mirahan, iyagoo ceyriin ah ayaa la cuni karaa ama shaah ahaan ayaa loo karsan waxayna lagu yaqaanna inay hagaajiyaan dheefshiidka waana sababta inta badan loo isticmaalo raashinka kadib.
Miraha fennel waxaa ku jira maadooyinka awoodda badan ee liddiga ku ah sunta, hurka iyo bakteeriyada. Waxaa kaloo laga helaa nafaqooyin kala duwan sida macdanaha copper, potassium, calcium, selenium, xadiid, zinc, manganese iyo fitamiin C.
Si aakhri oo wax badan ka ogoow faaidooyinka miraha fennel seeds.
𝐖𝐚𝐱𝐚 𝐚𝐲 𝐲𝐚𝐫𝐞𝐞𝐲𝐚𝐚𝐧 𝐢𝐧 𝐣𝐢𝐫𝐤𝐮 𝐮𝐮 𝐛𝐢𝐲𝐚𝐡𝐚 𝐤𝐞𝐲𝐝𝐢𝐲𝐨:
Miraha Fennel waa dareeriye dabiici ah (Diuretic) oo jirka biyaha ka saaro, waxayna si cajiib ah u saaraan sunta dheeraadka ah iyo dareeraha jirka. Tani waxa ay yareynaysaa halista cilladaha kaadi mareenka ku dhaco. Haddaba mirahan oo si joogto ah loo isticmaalo waa hab fiican oo looga hortagi karo infekshannada ku dhaco kaadi mareenka.
𝐊𝐚 𝐡𝐨𝐫𝐭𝐚𝐠𝐠𝐚 𝐝𝐡𝐢𝐢𝐠 𝐲𝐚𝐫𝐢𝐝𝐚:
Macdanta xadiidka ee ku jirta miraha fennel waxa ay muhiim u tahay samayska barootiinta “haemoglobin”, sidaas awgeed waxa ay caawiyaan ka hortagga dhiig yarida. Sida oo kale, maadada “histidine” ee ku jirta mirahan waxa ay dhiirigelisaa samaysanka barootiinta “haemoglobin” waxa kaloo caawisaa samaysanka waxyaabaha kale ee dhiigga uu ka kooban yahay.
𝐃𝐡𝐢𝐦𝐢𝐬𝐭𝐚 𝐦𝐢𝐢𝐬𝐚𝐚𝐧𝐤𝐚:
Mirahaan waxaa ku badan faybarka, kaas oo ka qayb qaata dhimista miisaanka iyo inuu qofka dareensiiyo dharag. Wuxuu kaloo yareeyaa in dufanku uu ku ururo jirka, waxaana uu wanaajiyaa in jirku uu cunnada ka nuugo nafaqada. Cab shaaha fennel si aad u gubto baruurta jirka.
𝐃𝐚𝐰𝐚𝐲𝐧𝐭𝐚 𝐠𝐚𝐚𝐬𝐤𝐚 𝐢𝐲𝐨 𝐝𝐡𝐞𝐞𝐟𝐬𝐡𝐢𝐢𝐝 𝐱𝐮𝐦𝐚𝐝𝐚:
Inta badan miraha fennel waxaa la cunaa ama la cabbaa shaahooda raashinka kadib si looga hortago dheefshiid xumada iyo cilladaha kale ee caloosha la xiriira. Fennel seeds waxay ka shaqaysiiyaan soo saarista dheecaannada dheefshiidka ee ay yareeya hurka mindhicirrada.
Sida oo kale, mirahaan waxaa aad loogu adeegsadaa in lagu daweeyo gaaska, waxa ay yareeyaan aashitada caloosha. Biyo ku radi miraha fennel seeds habeenkii, subaxa xigana karkari oo cab.
𝐘𝐚𝐫𝐞𝐲𝐧𝐭𝐚 𝐱𝐚𝐧𝐮𝐮𝐧𝐤𝐚 𝐜𝐚𝐚𝐝𝐚𝐝𝐚:
Miraha fennel seeds waxa ay aad ugu roon yihiin yaraynta xanuunka caadada. Mirahaan waxa ay nidaamiyaan oo ay khafiifiyaan caadada, iyagoo nidaamiyaa shaqada hormoonnada waxayna u shaqeeyaan sida xanuun baabi’iye.
𝐊𝐚 𝐡𝐨𝐫𝐭𝐚𝐠𝐠𝐚 𝐤𝐚𝐧𝐬𝐚𝐫𝐤𝐚:
Miraha fennel waxa ay awood u leeyihiin in ay jirka ka ilaaliyaan kansarka, maadaama ay xambaarsan yihiin maadooyinka “flavonoids” iyo “phenols” kuwaas oo joojiya koriimada unugyada kansarka. Miraha Fennel oo la isticmaalo maalin kasta waxa ay ka hortag u noqon kartaa cudurka kansarka noocyadiisa ku dhaco naasaha iyo beerka.
𝐍𝐢𝐝𝐚𝐚𝐦𝐢𝐧𝐭𝐚 𝐜𝐚𝐝𝐚𝐚𝐝𝐢𝐬𝐤𝐚 𝐝𝐡𝐢𝐢𝐠𝐠𝐚:
Miraha fennel oo la calaaliyo waxa ay kordhisaa maadada “nitrite” ee calyada taas oo caawisa in cadaadiska dhiigga ay ku ilaaliso heerkiisa dabiiciga ah. Sida oo kale, miraha fennel seeds waxa ay hodan ku yihiin maadada “potassium” taas oo dheellitirta biyaha jirka, tan oo muhiim kontaroolista cadaadiska dhiigga.
𝐊𝐨𝐛𝐜𝐢𝐧𝐭𝐚 𝐜𝐚𝐚𝐟𝐢𝐦𝐚𝐚𝐝𝐤𝐚 𝐛𝐞𝐞𝐫𝐤𝐚:
Fennels seeds waxaa ku jira xaddi aad u sarreeya oo macdanta selenium ah taas oo wanaajisa shaqada beerka islamarkaana sunta ka saarto. Mirahaan oo la cuno ama shaah ahaan loo cabbo waxa ay sare u qaadaa caafimaadka beerka waxayna ka hortagtaa infekshannada ku dhaco beerka.
𝐂𝐚𝐚𝐟𝐢𝐦𝐚𝐚𝐝𝐤𝐚 𝐢𝐧𝐝𝐡𝐚𝐡𝐚:
Fennel seeds waxa ay indhaha ka ilaaliyaan hurka (inflammation) sababtuna waa fiitamiin C-ga iyo asiidhada amino ee ku badan mirahan, kuwaas oo caawiyaa daryeelka indhaha. Mirahani waxay u fiican oo yareeyaan cuncunka isha iyo indho daalka.
#Comment
#share#foryourpage
@followers
@topfans
W/Q: Hirsi Ahmed
